मुंबई : भाजप अनुसूचित जाती मोर्चाचे प्रदेश पदाधिकारी, जिल्हाध्यक्ष यांची बैठक दादर येथील वसंत स्मृती भाजप कार्यालयात झाली.
प्रदेशाध्यक्ष सुभाष पारधी या बैठकीच्या अध्यक्षस्थानी होते. या वेळी भाजप अनुसूचित जाती मोर्चाचे केंद्रीय महासचिव रमेशचंद्र रत्न यांनी मार्गदर्शन केले. ते म्हणाले, ‘अनुसूचित जाती मोर्चाच्या कार्यकर्त्यांना भारतरत्न डॉ. बाबासाहेब आंबेडकर यांच्या त्यागाची आठवण ठेवून समाजाला न्याय मिळवून देण्याचा प्रयत्न करावा.’
प्रदेशाध्यक्ष पारधी यांनी, मोर्चाच्या पदाधिकाऱ्यांनी पक्षवाढीसाठी योगदान देणे महत्त्वाचे असल्याचे सांगून, संघटनेकडे लक्ष देणे गरजेचे आहे अशी सूचना केली. रामनाथ कोविंद यांची राष्ट्रपतिपदी निवड झाल्याबद्दल त्यांच्या अभिनंदनाचा ठराव बैठकीत एकमताने मंजूर करण्यात आला.
चंद्रकांत हिवराळे यांनी सूत्रसंचालन केले, तर सुखदेव अडागळे यांनी आभार मानले.
